სააქციო საზოგადოება
”საქართველოს რკინიგზა”
ბ რ ძ ა ნ ე ბ ა
01.02.2013 19:27:26 № 0000129
ქ. თბილისი
“სატვირთო გადაზიდვების ტარიფები და დამატებითი საფასურები”-ში ცვლილებების შეტანის შესახებ საქართველოს სარკინიგზო კოდექსის 64-ე მუხლის შესაბამისად, დირექტორთა საბჭოს 2013 წლის 29 იანვრის N21/3 დადგენილების შესრულების მიზნით, ვ ბ რ ძ ა ნ ე ბ:1. გენერალური დირექტორის 2011 წლის 23 დეკემბრის N1166 ბრძანებით დამტკიცებულ “სატვირთო გადაზიდვების ტარიფები და დამატებითი საფასურები”-ში შეტანილ იქნეს შემდეგი ცვლილებები და დამატებები:- დამტკიცდეს თანდართული ცხრილი 1 ”კომერციული წარმოების ოპერაციებისათვის გახსნილ სადგურებს შორის მანძილები (კმ)”;- ცხრილ №3 ” შეზღუდული წონის სარკინიგზო უბნები”- სიტყვა ”ზესტაფონი” შეიცვალოს სიტყვით ”ჭიათურა”, ხოლო სიტყვები ”გარდა სადგური ზესტაფონისა” -სიტყვებით ”ვრცელდება სადგურ ჭიათურის მისასვლელი ლიანდაგებზეც, რომლებიც ჭიათურა-საჩხერის სარკინიგზო გადასარბენით უერთდება სადგურს”;-მუხლი X.-ის მე-3 პუნქტში: სიტყვების ”სხვა რკინიგზების,” შემდეგ ამოღებული იქნას სიტყვა ”რეფრიჟერატორული”.2. ბრძანება ძალაში შევიდეს 2013 წლის 01 თებერვლიდან. 3. დაევალოთ სს ”საქართველოს რკინიგზის” ფილიალ ”საქართველოს რკინიგზის სატვირთო გადაზიდვების ფილიალის” ფინანსური დეპარტამენტის ინფორმაციული ტექნოლოგიების განვითარების ცენტრს (დ.თვალაძე) და ფილიალს “საინფორმაციო ტექნოლოგიები” (გ.ლაპიაშვილი) უზრუნველყონ შესაბამისი ცვლილებების შეტანა ბილინგის კომპიუტერულ პროგრამაში.4. კონტროლი ბრძანების შესრულებაზე განახორციელოს ფილიალ ”საქართველოს
რკინიგზის სატვირთო გადაზიდვების ფილიალის” დირექტორის მოადგილემ კომერციისა და მარკეტინგის დარგში (თ. ტვილდიანი).
მართვის ცენტრალური აპარატი
გენერალური დირექტორის პირველი მოადგილე
ბიჭიაშვილი ოლეგი შალვას ძე
|